पर्वत/जिल्लाको मोदी गाउँपालिकाको प्रमुख प्रशासकीय अधिकृत रामप्रसाद शर्माको सरुवा भएको छ । शर्माको म्याग्दीको अन्नपूर्ण गाउँपालिकाका सरुवा भएको हो । नयाँ प्रमुख प्रशासकीयको रुपमा बाबुराम पुरी आउने भएका छन् । सरुवा भएका भएका शर्मालाई गाउँपालिकाले एक कार्यक्रमका वीच विदाई गरेको छ । शर्मालाई बुधवार गाउँपालिका अध्यक्ष हिरादेवी शर्मा र उपाध्यक्ष बिमल लामिछानेले सफल कार्यकालको लागि बधाई सहित विदाई गरेका थिए ।
विगत १ बर्ष देखि शर्मा गाउँपालिकाका प्रमुख प्रशासकीय अधिकृतको रुपमा कार्यरत थिए । शर्माको सरुवासंगै जिल्ला प्रशासन कार्यालय पर्वतमा कार्यरत पुरीले नयाँ जिम्मेवारी सम्हाल्ने भएको गाउँपालिका श्रोतको भनाई छ । स्थानीय तहहरुमा प्रमुख प्रशासकीय अधिकृतहरु पटक पटक समस्या हुँदै आएको छ । कतिपय गाउँपालिकाहरुमा प्रमुख प्रशासकीय अधिकृत नहुदा गाउँपालिकाका नियमित कार्यहरु रोकिदै आएका छन् ।
