पर्वत/जिल्लाको सदरमुकामु कुश्मा बजारमा जीप दुर्घटना भएको छ । कुश्मा नगरपालिका वडा न ७ दुर्लुङ चोकमा बागलुङ देखि नारायणगढ जाँदै गरेको ना १ ज ५४३१ नम्बरको जीप दुर्घटनामा परेको हो ।
मध्यपहाडी लोकमार्ग अन्तर्गतको कुश्मा खण्डमा उक्त जीप दुर्घटनामा परेको जिल्ला प्रहरी कार्यालय पर्वतले जनाएको छ । दुर्घटनामा परी ३ जना घाइते भएका छन् ।
जीपमा सवार ११ जना मध्ये अन्यको अवस्था सकुशल रहेको प्रहरीले जनाएको छ । अचानक ब्रेक फेल भएपछि चालकले जीपलाई राजमार्गको दाहिन्ने पट्टी मोडेका थिए ।
चालकको चलाखीका कारण थप क्षति नभएको प्रत्यक्षदर्शीहरुको भनाई छ । दुर्घटनामा परी बागलुङ जिल्लाको काठेखोला गापा वडा न ५ विउ बस्ने ८७ बर्षको प्रज्ञा बहादुर पुन, सोहि स्थानका १२ बर्षकी जमुना सापकोटा र १४ बर्षका लक्ष्मी सापकोटा, चितवन भरपुर महानगरपालिका ९ बस्ने १३ बर्षको लबसन गैरे र ४० बर्षकी राधिका गैरे घाइेते भएका छन् ।
घाइतेहरुको पर्वत अस्पतालमा उपचार भईरहेको छ । घाइते मध्ये ८७ बर्षका प्रज्ञाबहादुर पुनलाई पोखरा रिफर गर्ने तयारी भएको र अन्यको अवस्था भने सामान्य रहेको प्रहरीले जनाएको छ ।
