गाउँपालिकाका उपाध्यक्ष याम कुमारी रानाले पनि पूर्ण खोप सुनिश्चितता अभियान सफल बनाउनमा स्वास्थ्यकर्मी, महिला स्वास्थ्य स्वयंसेविका, आमाबाबु र स्थानीय समुदायको सक्रियता प्रमुख भएको बताउनु भयो। उहाँले भन्नुभयो, “बालबालिकाको स्वास्थ्य सुरक्षित बनाउन सबैको साथ र सहभागिता जरूरी छ। यस अभियानले हाम्रो पालिकामा बाल अधिकारको रक्षा र समुदायको स्वास्थ्य चेतना अभिवृद्धिमा नयाँ ढोका खोलेको छ।”
जिल्लाका सबै स्थानीय तहमा पूर्ण खोप सुनिश्चितता तथा दिगोपना घोषणा अभियान संचालन भइरहेका बेला, सबै वडाहरू पूर्ण खोप सुनिश्चितता तथा दिगोपना घोषणा गर्ने पहिलो गाउँपालिका बनेको स्वास्थ्य कार्यालय पर्वतका नारायण रेग्मीले बताउनुभयो । रेग्मीका अनुसार, बाल मृत्युदर घटाउने उद्देश्यका साथ १५ महिनाभित्रका बालबालिकालाई १४ वटा रोगविरुद्ध ९ वटा खोपहरू दिइन्छ । पैयूँका वडाहरूमा सबै खोपका सूचकाङ्क पूरा भएकाले पूर्ण खोप सुनिश्चितता तथा दिगोपना घोषणा गरिएको हो ।
